Li Sêrtê bi hezaran kes li dijî qeyûm bi stran û berzkirina dirûşmeyan meşiyan. Welatiyan li ser rê û cadeyan piştgirî da meşê.
Wezareta Karên Navxweyî yê Tirk di 29ê mehê de qeyûm tayinî şeredariya Sêrtê ya DEM Partî kir. Piştî qeyûm tayinî şeredariyê hat kirin hevşeredar Sofya Alagaş û Mehmet Kaysî ji pêywîrê hatin dûrxistin û li şûna wan Waliyê Sêrtê Kemal Kizilkaya pêywîrdar kirin. Çalakiyên li dijî tayînkirina qeyûm di roja 3yemîn de didomin.
Hevşaredarên Sêrtê, parlamenterên DEM Partiyê, rêveberên rêxistinên Partiya Herêmên Demokratik (DBP), DEM Partî yên Batman, Şirnex, Sêrt û Mêrdîn û gelek welatî li taxa Gapê civiyan û paşê dest bi meşê kirin. Girse di meşê de pankarta bi nivîsa “Qeyûm li ser îradeya gel darbe ye” vekirin û dirûşmên “Bijî berxwedana Rojava”,”Bijî berxwedana Tişrînê” û “Qeyûm ji Kurdistanê bicehime”, “Kurdistan goristan ji bo faşîstan” û “Jin jiyan azadî” berz kirin. Girseyê bi stran û dirûşmeyan ji taxê heta ber şeredariyê meş li dar xist. Welatiyên taxê û li ser rê bi çepikan piştgirî dan meşê.
Meş li ber şaredariyê bi dawî bû û welatî li ber stranan govend digerînin. Girse li bendê ye ku Serokwekîla Koma DEM Partiyê Gulistan Kiliç Koçyîgît were cihê çalakiyê û daxuyaniyê bidin.
