Saziyên Zimanê Kurdî û Platforma Saziyên Demokratîk dê sibê bi boneya 15ê Gulanê Deklerasyona Cejna Zimanê Kurdî li Qada Bajêr a Wanê bi daxuyaniyekê aşkere bikin.
Saziyên Zimanê Kurdî û Platforma Saziyên Demokratîk dê sibê bi boneya 15ê Gulanê Cejna Zimanê Kurdî li Qada Bajêr ya Wanê, bi şîara “Statuya Kurdî Perwerdehiya Bi Kurdî” deklarasyonekê parve bikin û dê xebatên ji bo 15ê Gulanê bidin destpêkirin. Deklarasyon dê sibê saet 17:00an de li Qada Bajêr a Wanê bê aşkerekirin û banga tevlêbûna bername û pîrozbahiyên 15ê Gulanê li gelê Serhedê bê kirin.
Hestiyariya ji bo Kurdî
Ev roj ji sala 2006an û vir ve ji hêla sazî û dezgehên Kurdî ve wekî “Cejna Zimanê Kurdî” tê qebûlkirin û pîrozkirin. Cejna Zimanê Kurdî ji bo pêkanîna çalakiyan û daxwazên ji bo statuya Kurdî tên kirin rojeke girîng e. Gelê Kurd her sal di 15ê Gulanê de daxwazên mafên xwe yên zimanî û çandî li qadan dîqîre, bertek nîşanî polîtîkayên asîmîlasyonê dide û li tax û kolanan ji bo hestiyariyeke xurt ava bike çalakiyên cur bir cur li dar dixe.
