Bi pêşengiya Platforma Ked û Demokrasiyê û DÎSK Genel Îş ê yên Êlih û Sêrtê bi boneya Cejna 1ê Gulanê belavokan hatin belav kirin û banga tevlibûna çalakiyê hate kirin.
Bi pêşengiya Platforma Ked û Demokrasiyê û DÎSK Genel Îş ê yên Sêrtê bi boneya Cejna 1ê Gulanê, bi dirûşmeya “Bijî 1ê Gulanê ji bo mafê kedê, edalet, aştî û demokrasiyê bibin yek” daketin kolanan banga tevlibûna çalakiyê kirin û belavok belav kirin. Endamên DEM Partî û DBPê yên Sêrtê û gelek endamên saziyên civaka sivîl tevli çalakiyê bûn. Esnafan, kesên belavokan belav kirin bi kêfxweşî ew pêşwazî kirin.
Girse piştî belavkirina belavokan ji ber Sendîkaya DÎSK Genel Îş ê heta Cadeya Gursesê meşiyan û dirûşmeya “Bijî 1ê Gulanê” berz kirin.
ÊLIH
Bi pêşengiya Platforma Ked û Demokrasiyê û DÎSK Genel Îş ê yên Êlihê bi boneya Cejna 1ê Gulanê, bi dirûşmeya “Bijî 1ê Gulanê ji bo mafê kedê, edalet, aştî û demokrasiyê bibin yek” daketin kolanan banga tevlibûna çalakiyê kirin û belavok belav kirin. Hevserok, endamên DEM Partî û DBPê yên Êlihê û gelek endamên saziyên civaka sivîl tev li çalakiyê bûn. Esnafan girseyê bi kêfxweşî pêşwazî kirin û ji kolanan jî gelek kes tev li meşê bûn.
Girseya ku li ber çerxerêya dortyolê kom bûn, ji herdu aliyên rêyên mezin heta şaredariyê meşiyan. Di meşê de dirûşmeya “Bijî 1ê Gulanê” hate berzkirin.
