Hat ragihandin ku polîsên Zaxoyê komeke ku xelkê Tirkiyeyê ne li Dihokê û Zaxo dizî dikir girtine.
Berpirsê Ragihandina Polîsên Îdareya Zaxo Ehmed Remezan ragihand ku hêzên wan komeke sê kesî diz ku ji derveyî Herêma Başûrê Kurdistanê ne girtine.
Vê koma diz li sînorê Parêzgeha Dihok û îdareya serbixwe ya Zaxoyê li gelek cihên bazirganiyê dizî kirine.
Li gorî agahiyên polîsan, endamên vê komê bi hevkariya keseke bajarê Zaxoyê dizî kiriye û kiryara wan ya herî dawî jî ketina dikaneke ya telefonan ya li taxa KAO ya Dihokê, 40 hezar dolar û hinek telefonên biha dizîne.
Piştî lêkolînan hemû endamên komê hatin girtin û radestî dadgehê hatin kirin.
