Serokê Amerîkayê Donald Trump herî dawî ultumatona 48 saetên dabû rejîma Îranê. Beriya ku ev saet biqede daxuyaniyeke balkêş da.
Serokê DYAyê Donald Trump li ser hesabê xwe yê medya dijîtal di saetên dawî yên ultumatona xwe de daxuyaniyeke dawî ya balkêş da û wiha got: “Dibe ku îşev ji bo dîroka cîhanê bibe şeveke neveger” û bi gotinê gefa rûxandinê ya bi temamî li Îranê xwar.
Gefa ‘rûxandina şaristaniyê’
Trump di daxuyaniya xwe de bi zimanekî pir tund ya dîsa gef li Îranê xwar û Trump vê gefê wek “dê qiyamet rabe (pokaliptik)” pênase kir. Trum got: “Dibe ku îşev şaristaniyek bi temamî bimire û careke din venegere. Ez naxwazim vê niha bikim, lê dibe ku bibe.” Ev gotinên Trump wekî îşareta êrişeke nukleerî an jî rûxandineke bêsînor hat şîrovekirin.
Armanc: Guherîna rejîmê ye
Trump destnîşan kir ku daxwaza wan a sereke “guherîna rejîmê” ye û wiha berdewam kir: “Tiştê ku em niha dixwazin pêk bînin, guherîna rejîmê ye. Dibe ku serdemeke nû, hişmendtir û kêm radîkal dest pê bike. Dibe ku şoreşeke mezin çêbibe, kî dizane? Em ê vê şevê hîn bibin.”
Kêliyên herî girîng ên dîrokê
Trump diyar kir ku demên herî girîng û tevlihev ên dîrokê dê di van saetan de bi dawî bibe. Trump peyama xwe bi gotina “Xwedê gelê mezin yê Îranê biparêze” bi dawî kir, lê di heman demê de nîşan da ku amadekariyên leşkerî ji bo êrişeke mezin temam bûne.
Ji ber vê daxuyaniyê, li seranserê Rojhilata Navîn û cîhanê alarm hatiye ragihandin. Her kes li benda saetên şevê ye ku ka dê “şaristaniya” ku Trump qala wê dike, bi çi rengî bibe armanca êrişan.
