Serokwekîla Koma MHPê Fîlîz Kiliç, di çarçoveya pêvajoyê de îşaret bi peyamên Abdullah Ocalan kir û got: “Em dixwazin êdî pêşniyarqanûnê bînin Meclisê.”
Serokwekîla Koma MHPê Fîlîz Kiliç, li Meclisê bi nûçegihanên Meclisê re civiya û têkildarî gavên hewceye di çarçoveya Pêvajoya Aştî û Civaka Demokratîk de bên avêtin axivî. Fîlîz Çelîk, anî ziman ku demekî dirêje serokê wan ê giştî ji bo bilezkirina pêvajoyê daxuyaniyan dide, di vê mijarê de ew bi biryar in û dixwazin tavilê bên kir. Fîlîz Kiliç, pirsa “Gelo dê derxistina zagonan vê mehê bê Meclisê yan na?” jî ev bersiv da: “Heke bi destê mebûya me niha ji zû de bikira. Derxistina qanûnan karekî pir zehmet e; em li bendê ne têkildarî zagonê demek were diyarkirin. Çendek berê Ocalan got ‘Êdî jê veger nîne.’ Yanî nizanim ma gelo tiştekî ku mirov bikare li ser vê gotinê bike heye? Em jî dibêjin ‘êdî jê veger nîne.’ Got ‘tu pirsgirêka me bi komarê re nîne.’ Yanî ji vir şûnde em jî vê pêvajoyê pêş dixin. Li ser van, em dixawzin çendek pêşniyarqanûnan bînin Meclisê. Derdê me jî ev e. Têkiliyeke domdar heye. Di esasê xwe de di van hevdîtinan de jî tu tiştekî neyînî nîne. Em naxwazin êdî veger jê bibe.”
‘Rojeva sereke pêvajo ye’
Fîlîz Kiliç da zanîn ku rojeva wan a sereke pêvajoya ji bo çareserkirina pirsgirêka Kurd hatiye destpêkirin e. Fîlîz Kiliçê wiha domand: “Rewşa herêma me em tevek pê dizanin. Gavekî me ya xelet dê yekitiya me ya navxweyî xerab bike. Dibe ku me ber bi karesatê ve bibe. Em li gel wê ne ku gavên biîstîqrar bên avêtin. Bi rastî jî bi şev û roj em li ser vê difikirin û dixwazin di mijara bilezkirinê de serokê me yê giştî jî gavên pir cidî diavêje. Mijara me ya sereke niha hilbijrtin nîne.”
