DYAyê li peravên Bender Lengehê li keştiyek moşekavêj a Îranê xist. Di encama lêdanê de pêşiyê di keştiyê de teqîn pêk hat û hiştre agir pê ket.
Şerê Îsraîl, DYA û Îranê di roja 10an de berdewam dike. Keştiyek leşkerî ya girêdayî Hêzên Deryayî ya Îranê îro li peravên Bender Lengehê ya li Kendava Farsê rastî êrişa Dewletên Yekbûyî yên Amerîkayê hat. Piştî êrişê keştî teqiya û weşat pê ket. Hate zanîn ku keştiya rastî êrişê hatî ji cureya Şehîd Sûleymanî bûye ku ji bo avêtina moşekan hatiye çêkirin. Çavkaniyên herêmî ragihandin ku ev keştî bi giranî ji hêla Hêzên Deryayî yên Pasdarên Şoreşa Îslamî (IRGCN) ve têne bikaranîn.
DYA û Îsraîl bi giranî li keştiyan dixin
Di wêneyên hatine belavkirin de tê dîtin ku piştî êrîşê teqînek mezin di keştiyê de çêdibe û dû re agir pêk dikeve. DYA û Îsraîlê heta niha gelek keştiyên Îranê noqavkirine. Hate zanîn ku Îranê ji bo biparêze beşek keştiyên xwe revandine Hîndistanê. Hikûmeta Hindistanê jî di 8ê Adarê de diyar kir ku Îranê destûr ji wan xwestiye ku sê keştiyên wê bên lîmanên wan û wan jî destûr daye.
