Hêzên leşkerî yên Dewletên Yekbûyî yên Amerîkayê (DYA) bang li sivîlên Îranê kir ku ji ber şert û mercên şerê li welêt li malên xwe bimînin.
Fermandariya Hêzên Navendî ya DYAyê (CENTCOM) daxuyaniyek li ser hesabên xwe yên fermî yên medya dijîtal weşand. Di daxuyaniyê de hate gotin ku rejîma Îranê li cihên sivîl lê dijîn operasyonên leşkerî dimeşîne û van herêman ji bo avêtina dronên xwekuj û moşekên balîstîk bikar tîne. Hate ragihandin ku rejîma Îranê bi vî awayî jiyana sivîlan dixe xetereyê.
‘Em li cihên leşkerî ewlehiya sivîlan misoger nakin’
Di daxuyaniyê de hate ragihandin ku cihên ji aliyê hêzên leşkerî ve têne bikaranîn, statûya parastinê ya sivîl winda dikin. Di daxuyaniyê de wiha hate gotin: “Cihên ku ji bo armancên leşkerî têne bikaranîn, li gorî qanûnên navneteweyî dikarin bibin hedefên leşkerî.”
‘Ji malên xwe dernekevin’
Di daxuyaniyê de hate destnîşankirin ku ji bo kêmkirina zirara sivîlan hemû tedbîrên pêwîst digirin û ve hişyarî hatin kirin: “Lê di herêmên ku ji aliyê rejîma Îranê ve ji bo armancên leşkerî têne bikaranîn an jî li derdora wan tesîsan ewlehiya sivîlan nikare were misogerkirin.”
