Wezareta Tenduristî ya Îranê ragihand ku ji destpêkirina şerê Îsraîl-Amerîka ya li ser Îranê zêdetirî hezar û 200 sivîl hatine kuştin û zêdetir 10 hezar jî birîndar bûne.
Wezareta Tenduristî ya Îranê têkildarî daneyên kuştin û birîndarên welatê xwe daxuyaniyek da.
Wezaretê aşkera kir ku di encama êrişên esmanî yên ji dawiya meha Sibatê û vir ve zêdetirî Hezar û 200 kes hatine kuştin û zêdetirî 10 hezar kes jî birîndar bûne. Hate ragihandin ku di nava kuştî û birîndaran de jin û zarok jî hene.
Wezaretê diyar kir ku bênavber birîndar ji bo nexweşxaneyên mîna Tehran, Esfehan, Şîraz û bajarên din tên şandin.
Hate ragihandin ku niha zêdetirî 2 hezar kes tên dermankirin ku di nav de zarok jî hene.
