Analîzên ewlehiyê yên ku li ser şerê di navbera Îran, Îsraîl û hevalbendên wan de hatine kirin nîşan didin ku hêza moşekî ya Îranê piştî êrîşên mezin ên rojên destpêkê gelek kêm bûye. Roja ewil 350, roja çeremîn 50 moşek hatin avêtin. Ev daketin wekî encama êrişên hewayî yên Îsraîl û DYAyê hate nirxandin.
Li gorî dane û nirxandinên Hêzên Parastina Hewayî ya Îsraîlê (IDF), Wezareta Parastinê ya Emiratên Yekbûyî yên Erebî û dewletên kendavê hejmara moşekên balîstîk ên ku ji aliyê Îranê ve hatine şandin di çend rojên dawî de bi awayekî berbiçav kêm bûye.
Roja ewil 350 moşek hatin avêtin
Di dahurandinê de hejmara moşekên hatine avêtin hate dayîn û li ser daketina rêjeya moşekan nirxandin hate kirin. Li gorî van daneyan Îranê di roja yekemîn de bombardimaneke mezin pêk aniye.
Di 28ê Sibatê de, nêzîkî 350 moşek avêtine hedefên Îsraîl û DYAyê yên herêmê. Di dahurandinê de hate destnîşankirin ku roja pêşiyê baregehên Îsrailê û DYAyê yên li Îmaretên Yekbûyî yên Ereb, Qeter, Bahreyn û Siûdê Erebistanê hedef hatine girtin.
Roja duyemîn: 175 moşek hatin avêtin
Di roja duyem de, piştî êrîşên bersivî yên Îsraîl li gelek bingehên leşkerî yên Îranê, hejmara moşekên ku hatine şandin bi awayekî berbiçav kêm bû. Texmîn tê kirin ku di vê rojê de nêzîkî 175 moşek hatin şandin.
Roja sêyemîn: Kêmbûna moşekan berdewam kir
Di roja sêyem a şer de jî vê trende berdewam kir. Li gorî analîzên ewlehiyê, nêzîkî 120 moşek hatin şandin. Analîst dibêjin ku êrîşên esmanî yên ku li depoyên moşekan û navendên fermandariyê yên Îranê hatine kirin, sedema vê kêmkirinê ne.
Roja çaremîn: Hejmar daket aste herî jêr
Di roja çaremin de hejmara moşekan bi awayekî giran kêm bû û texmîn tê kirin ku nêzîkî 50 moşek hatin şandin. Li gorî analîstên leşkerî, ev kêmkirin nîşan dide ku kapasîteya operasyonel a hêza moşekî ya Îranê di encama êrîşan de bêbandor dibe.
Dane û analîzên ku hatine weşandin nîşan didin ku piştî bombardimana mezin a roja yekem, hêza moşekî ya Îranê bi lez kêm bûye. Analîstên ewlehiyê dibêjin ku ev rewş dikare nîşana du faktorên sereke be:
yek zirarên ku di encama êrîşên Îsraîl û Amerîkayê de li bingehên moşekan hatine kirin û duyem jî şertên operasyonel û lojîstîk kapasîteya şandina moşekan kêm dikin.
Heta niha di navbera zêdeyî 600 moşek hatin avêtin
Li gorî heman rapor û daneyan heta niha qasî hatiye tespîtkirin li derdora 600 û 700 moşekan hatine avêtin. Ji ber ku beşek moşekan bêyî ber bi hedefê ve biçim ji ber sedemên nayên zanîn dikevin, tam tespîtkirina wan nemimkûn e.
