Li gorî agahî û dîmenên ji çavkaniyên herêmî hatine girtin Îsraîl û DYAyê îro li baregehên rejîma Îranê yên li bajarên Serdeşt, Banê û Îlamê yên Rojhilatê Kurdistanê xistin û di encamê de ziyanên mirovî û madî derketin holê.
ŞerêÎsraîl, DYA û Îranê di roja 5emîn de berdewam dike. Li gorî agahdarî û dîmenên ji çavkaniyên herêmî hatine girtin balafirên şer ên Îsraîl û Amerîkayê îro li bingehên leşkerî yê rejîma Îranê yên li bajarên Banê kirin. Di videoyên ku li ser torên civakî hatine belavkirin de tê dîtin ku piştî êrîşan teqînên mezin pêk tên û dûman ji herêmê bilind dibe.
Li Îlamê jî baregehên rejîmê hetef hatin girtin
Li gorî agahî û dîmenen bingehên leşkerî yên artêşa Îranê li Îlam jî di encama êrîşên esmanî de hatin rûxandin. Heta ragihandin ku di encama êrişan de windahiyên rejîmê hene û ziyanek mezin a madî gihiştiye baregehên hedef hatine girtin.
Li Serdeştê yekem car êriş pêk hat
Ligel Banê û Îlamê îro yekem car li bajarê Serdeştê jî êriş pêk hatin. Di encama bombardimana baregehên rejîmê yên li Serdeştê de teqînên mezin pêk hatin. Hate zanîn ku di encama êrişan de ziyanên rejîmê yên mezin çêbûne lê hejmarek zelal nehat zanîn.
