Parastina Sivîl a Xezayê ragihand ku di êrişên Îsraîlê de 22 jê zarok 50 kes hatine kuştin.
Parastina Sivîl a Xezayê aşkera kir ku di êrişên artêşa Îsraîlê yên şevê din de 50 kes hatine kuştin. Berdevkê Parastina Sivîl Mehmûd Besel agahî dan AFPê û got: “Dagirkeriyê ji şeva borî heta îro sibehê bi dehan êrişên hewayî û topbaran pêk anîne ku ev yek binpêkirina aşkera ya peymana agirbestê ye.”
Mahmut Besel aşkera kir ku nêzîkî 200 kes li deverên cuda yên Xezayê birîndar bûne û rewş wek “felaket û tirsnak” bi nav kir. Artêşa Îsraîlê jî piştî êrişên roja Sêşemê, ji nû ve agirbest li Xezayê ragihand. Artêşê îdia kir ku wê êriş biriye ser zêdetirî 30 fermandarên “terorîstan” li Xezayê. Di daxuyaniya artêşê de hat gotin: “Piştî rêzeêrişên berfireh ên li ser bi dehan dever û terorîstan, artêşê dîsa agirbest ragihand, piştî ku agirbest ji hêla rêxistina terorîst a Hemasê ve hate binpêkirin.”
Li gorî agahiyên Wezareta Tenduristiyê ya Xezayê ku ji hêla Neteweyên Yekbûyî ve wekî pêbawer tê dîtin, di encama êrişên Îsraîlê yên dawîn de herî kêm 68 hezar filistînî hatine kuştin.
