ROJEVA 15ê TÎRMEHA 2025an
* Nûnerê TÎHVê yê Amedê parêzer Mûrat Aba yê têkildarî şewitandina çekan a PKKê axivî, wiha got: “Bi hezaran gerîla hene. Divê bi rehetî bikaribin werin mala xwe û karibin siyasetê bikin. Ji bo vê jî divê demildest di nava 10-15 rojan de li Meclisê komîsyonek were avakirin û qanûn bên çêkirin.”
* Rêberê Gelê Kurd Abdullah Ocalan di hevdîtinekê de li ser ziman hin peyam şand û xwest ku her kes xwedî zimanê xwe derkeve. Hevberdevkê Lijneya Ziman, Çand û Hunerê ya DEM Partiyê Heval Dilbahar û Endamê Komîsyona Ziman a OHDê Mehmet Emîn Gokdemîr diyar kirin ku divê her kes zimanê Kurdî biparêze.
* Parlementera DEM Partiyê Newroz Ûysal bi lêv kir ku gel pêvajoyê baş dişopîne û gel dibêje divê êdî nêzîkatiya dewletê ya li hember wan û Rêberê wan were guhertin.
* Mela Îmadeddîn Reşpojan ku ji navçeya Xîzan a Bedlîsê ye, 11 zimanan dizane û di jiyana xwe de 27 pirtûk nivîsandine. Di vê serdemê de nivîskarekî klasîk e û li pey şopa Ehmedê Xanî û Melayê Cizîrî diçe. Wî li ser Edebiyata Kurdî û dîrokê xebat meşandiye û dîwan, fetwa whd. jî nivîsandiye.
* Hevserokê Şaxa ÎHDê ya Şirnexê Şîvan Sekmen bi lêv kir ku qedexeyên li ser gund, zozan û çiyayên Şirnexê binpêkirina mafê jiyanê ya welatiyan bi xwe re tînê û got ku li Şirnexê mekazagon danîne aliyekî û bi keyfî tevdigerin.
* TJA, DBP û DEM Partî di çarçoveya perspektifên Aştî û Civaka Demokratîk de, dê civînên gel li tax û gundan berdewam bikin.
