Amed – Endam û rêveberên MEBYA-DERê yên Amed û Êlihê ji bo merasima gerîllayên PKKê bişopînin, li avahiya xwe yên Amed û Êlihê kom bûn.
Rêberê Gelê Kurd Abdullah Ocalan di 9ê Tirmehê de piştî 26 salan daxuyaniyeke bi dimên da. Daxuyaniya Abdullah Ocalan a dîrokî li Kurdistan û cihanê deng veda. Partiya Karkerên Kurdistan (PKK) jî ji bo bersivê bide banga Rêberê Gelê Kurd dê li Sîlemaniyê bi komeke gerîla ya Koma Civaka Demokratîk çêkên xwe bişewitîne. Li Bakurê Kurdistanê jî merasîma PKKê bi girseyî dê werê temaşekirin. Gelek kesên ku di navde malbatên gerîllayên PKKê û rêveberên Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) li avahiya komemeleyê kom bûn. Malbatên ku li avahiyê kom bûne, bi kelevan li benda merasîmê ne.
Êlih
Li avahiya MEBYA-DERê ya Êlihê jî gelek welatî ji bo kêliyên dîrokî di nava kelecaneke mezin de ne. Dayikên ku li ber ekrana televîzyonê ya li eywana komeleyê disekinin, diyar kirin ku ji bo serkeftina pêvajoyê, azadiya fîzîkî ya Abdullah Ocalan şert e. Mehdiye Kaptan ku di şer de kurekî xwe winda kiriye, got: “Heta Rêbertiya me azad nebe tu tiştek azad nabe. Ne dayikên Kurd ne jî yên Tirk bila êdî tu dayik negirîn. Bila pêvajo bi aştiyê biencam bibe. Dilê me şewitî, bila ev rewş bi dawî bibe, bila pêvajo bi aştiyê tacîdar bibe.”
