Abdulazîz Ok piştî 32 salan ji hepsê hate berdan. Berdana Ok 2 salan hatibû taloqkirin.
Abdulazîz Ok di sala 1993yan de li Amedê hate binçavkirin û piştre jî Dadgeha Ewlekariyê ya Dewletê (DGM) bi îdiaya “Xerakirina yekitî û yekparetiya dewletê” cezayê muebedê lê birî. Ok piştî 32 salan girtî ma hate berdan. Di van 32 salan de Ok li gorî rêzê li girtîgehên Amed, Bartin, Kandira, Bolu, Şirnêx û Wanê hate ragirtin.
Herî dawî jî Ok sewqî Girtîgeha Tîpa L a Panosê hatibû kirin. Divê ku Ok di sala 2023yan de bihata berdan lê bi hinceta ku “poşmantî” qebûl nekiriye û bi hinceta cezayên hucreyê, tehliyeya wî hat taloqkirin. Ok di 7ê Nîsanê de hate berdan. Piştî hat berdan Abdulazîz Ok derbasî gundê xwe Tilelo yê bi ser navçeya Sûrê ya Amedê bû.
Rêveber, parlamenter û hevşaredarên DEM Partiyê û nûnerên rêxistinên sivîl serdana Abdulazîz Ok kirin.
