Duyemîn Rojên Pirtûkan a Erxeniyê ku bi dirûşma “Cîhan bi peyvan digihîje hev” tê lidarxistin di roja duyemîn de bi eleqe û beşdariyeke zêde berdewam kir.
Duyemîn Rojên Pirtûkan a Erxeniyê yên ku bi hevkariya Şaredariya Erxeniyê, Egîtîm-Senê, YEWKURD (Yekitiya Weşangerên Kurd), DTSO, GABB, Şaredariya Bajarê Mezin ya Amedê û şaredariyên navçeyan, bi dirûşma “Dinya Bi Peyvan Tê Ba Hev” tê lidarxistin di roja duyemîn de berdewam kir. Rojên Pirtûkan ku dê heta 10ê Gulanê bidome, li Park Ormana Yenîşehîrê tê pêkanîn. Di çalakiya ku tê de panel hatin lidarxistin de, gelek nivîskar bi xwendevanên xwe re hatin bahev û pirtûkên xwe îmze kirin. Eleqeyeke zêde heye ji bo rojên pirtûkan.
Di bernameya de nivîskaran pirtûk îmze kirin û nivîskar Hayrî Yetîk li ser mijara “Li ser Nazim Hîkmet û Cîgerxwîn”, Ozlem Ekînbaş Can “Mîmariya Neolîtîk a li Amedê ” û Remzî Bakir “Eynika Paşerojê û Pisûlaya Pêşerojê” gotûbêj li dar xistin.
Nivîskar Ozlem Ekînbaş Can a ku di gotûbêjê de axivî, diyarkir ku agahiyên di pirtûka wê ya bi navê “Nêçîrvanên Niştecih ên li Bakurê Dîcleyê” de cih digirin, daneyên gelekî biqîmet û girîng in û destnîşan kir ku di encama xebatên hatine meşandin de, derbarê dîroka mirovahiyê de daneyên ku berê nedihatin zanîn derketine holê.
Bernameya Rojên Pirtûkan dê sibê di roja 3yemîn de berdewam bike.
