Şaxa Egîtîm Senê ya Êlihê ji bo balê bikişîne ser mafên mirovan ên li Tirkiyê tên binpêkirin û ji bo afirandina berhemên xweser û hêja yên wêjeyî, 13 sal in li ser navê Şerzan Kurt (1989-2010) xelata çîrokan li dar dixe.
Şerzan Kurt, dema li Zanîngeha Muglayê dixwend di 12ê Gulana 2010 an de, di pevçûneke nava xwendekaran de, bi guleya polîsekî jiyana xwe ji dest dabû. Ji bo Şerzan Kurt serlêdana xelatên çîrokan dest pê kir.
Şertên tevlêbûnê
1. Berhemên tevlî pêşbaziyê dibin divê berî niha li tu deveran (pirtûk, kovar, tora civakî hwd.) nehatibin weşandin.
2. Zimanê pêşbaziyê, Kurdî (Kurmancî) û Tirkî ye. Ji bo her zimanekî wê xelatek bê dayîn. Heke jûrî hewce pê bibîne dikare xelatê parve bike.
3. Heta 30ê Îlona 2025an divê çîrok tevî kurtejiyan, navnîşan ji maila [email protected] re bên şandin.
4. Piştî ku encama 15. XELATA ÇÎROKAN A ŞERZAN KURT aşkere bû, berhemên ku jûriyê maqûl dîtine wê wek pirtûk bên weşandin. Kesên ku tevlî pêşbaziyê dibin vê xalê dipejirînin.
5. Encamên pêşbaziyê wê di 12ê Mijdara 2025an de bi rêya çapemeniyê bên aşkerekirin.
6. Xelat, ji terefî sazîyê wê plaket bê dayîn.
Ji bo çîrokên Kurdî Desteya Hilbijêr
Desteya hilbijêr a çîrokên kurdî ji Amed Çeko Jiyan, Rûbar Elî, Evdal Baqî û Brahîm Ronîzêr pêk tê.
Ji bo çîrokên Tirkî Desteya Hilbijêr
Desteya hilbijêr a çîrokên tirkî ji Murat Bozkurt, Newroz Serhat Odabaşı, Mehmet Sait İmret û Fırat Baytak pêk tê.
