Nizar Amedî ku wekî berendamê YNKê yê ji bo Serokkomariya Iraqê îro di dengdana yekemîn de ji 250 parlementeran dengê 200an girt û gelek nêzîk serkeftinê bû. Amedî ku di dengdana duyemîn de tê payîn teqez bê hilbijartin, siyasetmedarek ji kevneşopiya YNKê ye û berê wezîrtiya Hikûmeta Iraqê kiriye.
Berendamê Serokkomariya Iraqê Nizar Amedî ku di dengdana îro ji 250 parlementeran dengê 200an girt û tê payîn ku di dengdana duyemîn de bibe Serokkomarê Iraqê. Amedî kesek demên dirêj di nav YNKê de cih girtî û kesek di aliyê siyasî de xwedî danevek girîng e.
Siyasetmedarek ji kevneşopiya YNKê ye
Nîzar Amedî ku wekî namzetê Yekîtiya Nîştimanî ya Kurdistanê (YNK) ji bo posta serokkomariya Iraqê derketiye pêş, bi paşxaneya xwe ya siyasî û malbatî kesayeset balkêş e. Amedî ji malbateke ji berê de di nav kevneşopiya siyasî ya ji YNKê de mezin bûye. Lê cihê jidayikbûna wî navçeya Amediyê ya Dihokê ye. Ev herêm her çend bi giştî wekî keleha Partiya Demokrata Kurdistanê (PDK) bê zanîn jî, di heman demê de malovaniya herikînên xurt ên mixalîf jî dike.
Endezyarê makîneyê ye
Nîzar Amedî yê ku perwerdeya endezyariya makîneyê dîtiye, ji sala 1993yan ve di ofîsa Talebanî de kar dike. Ev xebata wî ya demdirêj û nêzîkatiya wî, wî dixe nav xeleka herî pêbawer a YNKê. Ew îro weke yek ji hevalbendên herî nêz ê malbata Telebanî ye.
Di Hikûmeta Iraqê de wezîrtî kir
Piştî ku Bafil Talebanî bû serokê YNKê pêbaweriya bi Amedî encama xwe da û ew di nava polîtburoya YNKê de bi lez bilind bû.
Amedî ku di dema borî de wezîrtiya hikûmeta Iraqê jî kiriye, niha ofîsa polîtburoya YNKê ya li paytext Bexdayê bi rê ve dibe. Têkiliyên malbata wî yên di nava sîstema serokkomariyê de jî bi kok in. Birayê wî Gohdar Amedî, niha sêwirmendê serekî yê serokkomarê Iraqê ye.
Nakokiya bi PDKê re
Dîroka malbata wî bi bûyereke trajîk û xwîndariyeke kevn ve girêdayî ye. Bavê wî yê karsaz û rewşenbîr, ji aliyê karsazekî hevrik ê girêdayî PDKê ve tê kuştin. Çavkaniyên xwecihî destnîşan dikin ku sedema vê suîqestê bi esasî nakokiyeke darayî bûye. Lê belê, ji ber ku kujer rayedarekî PDKî bû û ji aliyê partiyê ve hate parastin. Vê yekê malbata Amedî bi temamî nêzî YNKê kir.
Têkiliyên Amedî bi fraksiyonên Şiî re
Li gorî agahiyan têkiliya Amedî bi partiyên siyasî yên Şiî yên li Iraqê re jî baş e. Wekî kesek di sererastkirina têkiliyên YNKê û fraksiyonên Şiî de rolek girîng dilîze derdikeve pêş. Ev têkilî û daneheva Nizar Amedî jî derfet dide ku bi van deveran re riyên çaresiriyê peyda bike û têkiliyan danê.
