Wezîrê Karên Derve yê Îranê Abbas Araghchi li Beyrudê daxuyaniya çapameniyê li dar xist. Di daxuyaniyê de Abbas Araghchi bal kişand ser sedema serdana xwe ya Lubnanê û da zanîn ku ew dê zextên Îsailê yên li ser heremê bi rayedaran re muzakere bikin.
Wezîrê Karên Derve yê Îranê Abbas Araghchi di daxuyaniya xwe ya îro de diyar kir ku Tehran rêzdariya du alî esas digire û da zanîn ku heke Amerîka bixaze, ew amade ne ku bi Amerikayê re ji bo aştiyê muzakereyan bikin, lê heke nêta Amerikayê ne ev be ew ji bo şer jî amade ne.
‘Em xetereyên ewlehiyê muzekere bikin’
Abbas Araghchi li ser armanca serdana xwe sekin. Abbas Araghchi da zanîn ku ew xetereya gefên Îsrailê ya li ser ewlehiya heremê bibînin û got: ” Em ê meseleyê di nava têkiliyên du alî de li pêş bixin.”
Abbas Araghchi duh jî li ser serdana xwe ya Lubnanê de ji Ajansa Nûçeyan ya Mehr re axivî bû. Di axaftina xwe de Abbas Araghchi diyar kiribû ku dê serdana wî li gel heyeteke aboriyê pêk were.
Beriya serdana Abbas Araghchi ya Lubnanê pêk were Wezîrê Karên Derve yê Lubnanê Yusuf Ragge çûyîna Tehranê red kiribû. Balkêşe ku Abbas Araghchi piştî vê biryarê çû serdana Lubnanê. Meha borî Wezîrê Karên Derve yê Lubnanê Yusuf Ragge vexwendina Komara Îslamî ya Îranê red kiribû. Ji Îranê daxwaz kiribû ku li welateke sêyemîn yê bê alî ya ku her du welat jî qebûl bike werin ba hev.
Yusuf Ragge sedema neçûna xwe rewşa aloz ya li Îranê nîşan dabû. Lê hê kîte kîteyên sedema neçûnê xwe diyar nekiribû. Di dawiyê de Yusuf Ragge destnîşan kiribû ku helwesta wî ne redkirina serdana Îranê bû. Abbas Araqchi, Wezîrê Karên Derve yê Lubnanê Yusuf Ragge ji bo serdanaê pêk bîne vexwend Îranê.
