Veysî Aktaş ê 31 salan di girtîgehê de hate ragirtin û jiGirtîgeha Îmraliyê derket diyar kir ku Rêberê Gelê Kurdgotiye ku dê Girava Îmraliyê bikin girava aştiyê.
Veysî Aktaş ê li Girtîgeha Tîpa F a Ewlehiya Bilind a Îmraliyê dihate ragirtin piştî 31 sal û 3 mehan hate berdan. Veysî Aktaş di 28ê Nîsana 2024an de 30 sal cezayê hefsê yê lê hatibû birîntemam kiribû. Lê bi biryara Desteya Îdare û Çavdêriyê ya Girtîgehê, berdana Aktaş ji bo salekê hatibû taloqkirin. Piştî salekê berdana Aktaş ji bo 3 mehan hate taloqkirin. Aktaş ê ku berdana wî salek û 3 mehan hate taloqkirin di 25’ê Tîrmehê de hate berdan. Veysî Aktaş ku ji Girtîgeha Îmraliyê hate berdan hat mala xwe ya li Amedê û bi girseyî hat pêşwazîkirin. Di bernameya pêşwazîkirinê de endam û rêveberên DBPê, DEM Partî, TJA, MED TUHAD-FED û nûnerên saziyên civakî û gelek welatî amade bûn.
Rêberê Gelê Kurd ji herkesê re silav şandin
Veysî Aktaş ku hate mala xwe ya li Amedê bi awayekî kurt axivî. Veysî Aktaş qala dîroka Girava Îmraliyê kir û got ku“Rêberê Gelê Kurd Abdullah Ocalan gotiye ku dê Girava Îmraliyê bikin girava aştiyê.” Veysî Aktaş diyar kir ku Rêberê Gelê Kurd Abdullah Ocalan ji herkesê re silav şandine.
