Amed – Tiryakkêş û ereqvexwar Çemê Malabadê qirêj dikin û ji ber gemarê bêhna gemar ji çem tê.
Li derdorê Pira Malabadê ku bi dîrok û xweşikbûna xwe ve bala geştiyaran dikşîne ser xwe di nav gemarê de maye. Derdora Çemê Malabadê ku bendav li ser hatiye çêkirin, bûye cihê tiryakkêş û ereqvexwaran. Ji ber bermahiyên li derdora çem kom bûne bêhna gemar avê tê. Tevî qereqolê ku 200 metreyan nêzî qeraxa çem e, tiryakkêş û ereqvexwar li ber lêva çem kom dibin û çem qirêj dikin.
Li derdora çem şûşeyên ereqê, qodîk, poşet û bermahiyên cûr bi cûr di nav avê de hatine hiştin û ev yek li ser jiyana ajal û masiyan jî bandoreke neyînê çêdike.
