Di çarçoveya lêpirsîna Serdozgeriya Komarê ya Îzmîrê ya bi îdiaya “bertîlê” daye destpêkirin de, tevî Şaredarê Menderesê Îlkay Çîçek û cîgirê wî 13 kes hatin binçavkirin.
Di çarçoveya lêpirsîna ji aliyê Serdozgeriya Komarê ya Îzmîrê ve hatiye destpêkirin de bi îdiayên “bertîl” û “bidestxistina nirxan a bêheq” derbarê 16 kesan de biryara binçavkirinê hate dayîn. Tevî Şaredarê navçeya Menderesê ya Îzmîrê Îlkay Çîçek îro di serdagirtina malan de 13 kes hatin binçavkirin.
Di nav kesên hatin binçavkirin de Cigirê Şaredar Ruzgar Sonmez û Endamên Meclîsê Emre Pala û Ferdî Hepyilmaz jî hene.
Serdozgerî daxuyand ku derbarê 16 kesan de biryara binçavkirinê hatiye dayîn û diyar kir ku xebatên peydakirina 3 kesên derbarê wan de biryara binçavkirinê hatiye dayîn, didome.
