Roja yekemîn ya “Hevdîtina Jinan a Ked, Çand û Hunerê ya Amedê dawî bû. Parlamentera Amedê Adalet Kaya diyar kir ku banga Birêz Abdullah Ocalan deriyê aştiyê vekir.
Hevdîtina Jinan a Ked, Çand û Hunerê ya Amedê ku di pêşengtiya Serokatiya Daîreya Xizmetên Malbat û Jinan a Şaredariya Bajarê Mezin a Amedê li Qada Şêx Seîd dest pê kir wê sê rojan berdewam bike. Roja yekemîn bi atolyaya dest pê kir, jin amurên bi destê xwe çêkirine firoştin. Roja yekemîn bi konsera hunermend Eylul Nazlier û Koma Tenbûrê ya KASEDjinê dawî bû.
Berî ku bername dest pê bike Hevseroka Giştî DBPê Çigdem Kiliçgun Uçar, Hevşaredara Bajarê Mezin a Amedê Serra Bucak û hevşeredarên DEM Partiyê standên jina geriyan.
Paşê Serra Bucak axivî û diyar kir ku îro keda jinê li vê qadê derket holê. Serra Bucak da zanîn ku hevdîtin dê sê roj berdewam bikê, tevahiya gelê xwe vexwendinin li vir, li vê qadê ji bo têkoşîna jinan werê xuyakirin ev hevdîtin pêk tê.
‘Aştiyê em ê pêşengtiya jinan pêk bînin’
Dûre Parlamentera Amedê Adalet Kaya destnîşan kir ku jin her qadê jiyanê têdikoşin lê ev ked nayê xuyakirin û wiha axivî: “Îro ji bo keda jinê em li vir in. Em jin jiyanê ava dikin. Her qadê jiyanê jin ked didin û azadiyê, jiyanê nû ve ava dikin. Banga birêz Abdullah Ocalan deriyê aştiyê ji me re vekir. Em jin ev çend salane ji bo aştiyê têdikoşin. Dayîkên Aştiyê gelek êş kişandiye lê dibêjin aştî. Gotina aştiyê gotina jiyanê ye. Aştiyê em ê pêşengtiya jinan pêk bînin.
Roja yekemîn bi konsere Eylul Nazlier û Koma Tembûrê ya KASEDjin dawî bû.
