Platforma Yekîtiya Jinên Kurd a Bakur bi sedema qeraseta lêhiyê li ser hesabê xwe yê dijîtal daxuyaniyeke nivîskî weşand û da zanîn ku ew êşa gelê Başûr ya ji ber lêhiyê parvedikin.
Roja Sêşemê li başûrê Kurdistanê, li navçeya Çemçemalê ya Silêmaniyê Lû bajarê Kerkukê barana zêde barî bû lêhilyeke dijwar rabibû. Lêhî bû sedema zirareke mezin ya madî. Platforma Yekîtiya Jinên Kurd a Bakur bi sedema qeraseta lêhiyê li ser hesabê xwe yê dijîtal daxuyaniyeke nivîskî weşand û da zanîn ku ew êşa gelê Başûr ya ji ber lêhiyê parvedikin.
Platforma Yekîtiya Jinên Kurd a Bakur, di daxuyaniya xwe de diyar kir ku ew ji ber lehiya giran a ku di 9ê Kanûnê de li navçeya Çemçemalê ya girêdayî Silemaniyeyê û bajarê Kerkukê qewimî û bû sedema mirina welatiyan û zirareke mezin a madî û binesaziyê, em gelekî xemgîn in û dilê me bi gelê Başurê Kurdistanê re ye.
Di daxuyaniyê de hat diyarkirin ku: “Li gorî agahiyên gihiştine me, ji ber barîna barana zêde û tund, lehiyê zerareke mezin daye gelek xanî û kargehan û welatiyên jiyana xwe ji dest daye. Di serî de em sersaxiyê ji malbatên welatîyan ku di vê karesatê de jiyana xwe ji dest dane re dixwazin û di êşa wan a giran de hevpar in. Em hêvî dikin ku gelê Çemçemalê û hemû başûrê Kurdistanê di demeke nêz de bigihêje aramî û ewlehiyê. Bi hêviya ku êş û janên bi vî rengî careke din dubare nebin, bi hemû dil û canê xwe em li gel gelê başûrê Kurdistanê ne.
