Platforma Hevgirtin û Parastinê ya Bajêr a Amedê, têkildarî xebata kampanyaya xwe ya ji bo Rojava daxuayanî da û got: “Ji bo korîdora alîkariya mirovî ya Kobaniyê were vekirin ev 2 roj in bi rayedaran re xebatên me bênavber didomin. Piştî destûrê em ê pêdiviyên sereke bişînin herêmê.”
Platforma Hevgirtin û Parastinê ya Bajêr a Amedê, derbarê xebatên xwe yên ji bo Kobanê li ser hesaba xwe daxuyanî da. Platformê di daxuyaniya xwe de diyar kir ku ew ji bo pêdiviyên sereke, betenî, xurek, mazot, çîr, çadir û cihê razanê yên di çarçoveya lezgînî de hatine ragihandin dê ji herêmê re werin şandin.
Platformê diyar kir ku ji bo alîkariyê veguhêzin herêmê TIR hatine amadekirin û da zanîn ku ew ê ji bo tevlibûna kampanyayê berfireh bikin, di rojên pêş de bangawaziyekê parve bikin.
