58emîn Mîhrîcana Çand û Hunerê ya Şaredariya Tetwanê ku bi dirûşma “Li Tetwanê çand heye, huner heye, em hene” tê lidarxistin di roja 2yemîn de bi konserên girseyî berdewam kir.
58emîn Mîhrîcana Çand û Hunerê ya Şaredariya Tetwanê ku bi dirûşma “Li Tetwanê çand heye, huner heye, em hene” tê lidarxistin, di roja 2yemîn de bi konsera hunermend Mehmet Atli, Rûken Yilmaz û Koma Agirê Jiyan berdewam kir. Di roja 2yemîn a mîhrîcanê de jî qada mîhrîcanê ji aliyê gel ve hat tijekirin. Destpêkê Hunermend Mehmet Atli derket ser dikê û bi stranên xwe gel coşand. Beşdaran li ber stranên Mehmet Atli bi têra dilê xwe govend gerand.
Piştre Hunermend Rûken Yilmaz derket ser dikê. Rûken Yilmazê stranên xwe ji gel re stirî û gel bi xêfxweşî guhdariya stranan kir.
Herî dawî Koma Agirê Jiyan ku cara yekemîn li Tetwanê konser dide derket ser dike. Gel Koma Agirê Jiyan bi coş û kelecaneke meazin pêşwazî kir. Koma Agirê Jiyan bi stranên xwe yên ku bi salan in ji aliyê bi mîlyonan kesî ve tên guhdar kirin şeveke ku zû bi zû neyê ji bîrkirin bi beşdaran da jiyîn.
Bernameya sibê ya mîhrîcanê
Bi konsera Koma Agirê Jiyan roja 2yemîn ya mîhrîcanê bi dawî bû. Dê mîhrîcan sibê bi performansa Gerok MAyê, Şanoya BKM Arsen Paladovê, konsera Koma Peyal û Hunermend Delîl Dîlaner berdewam bike.
