Zarokên gundê Zoravayê yên ku di çarçoveya Atolyeya Muzîkê ya Gerok a Şaredariya Bajarê Mezin a Amedê de 4 hefteyan perwerdeya muzîkê bûn îro Konservatûvara Bajêr a Aram Tîgran konserek diyarî zarokan kir.
Şaredariya Sûrê û Konservatûvara Bajêr a Aram Tîgran ku di bin banê Serokatiya Daîreya Çand, Huner û Karên Civakî ya Şaredariya Bajarê Mezin a Amedê de xebatên xwe dike, bernameya Atolyeya Muzîkê ya Gerok a ku ji bo xwe gihandina zarokan a xebatên çand û hunerê zêde bibe hate destpêkirin berdewam dike.
Yek ji qadên xebatê yên herî berfireh ên bernameyê ku xebatên çand û hunerê tenê bi navenda bajêr re sînordar nahêle û dibe gundan, duh li gundê Axzoriyê bi zarokan re hatibûn cem hev, îro ji gundê Zorava yê navçeya Sûrê bû. Zarokên ku bi hefteyane di bin çavdêriya perwerdekaran de xebatên bingehîn ên rîtm û notayê kirin, enstruman nas kirin, stran ji ber kirin û li ser performansa sehneyê perwerde girtin, tiştên fêr bûne, pêşkêş kirin. Konservatuara Bajar a Aram Tîgran îro konserek diyarî zarok û şeniyên gund kir.
Di konsera ku li gundê Zoravayê hat lidarxistin de, zarokên ku di Atolyeya Muzîkê ya Gerok de bi darikên rîtmê, boriyên rengîn, darbukayan û materyalên cuda yên muzîkê perwerde girtin, konser da. Konsera ku bi beşdariya şêniyên gund û malbatan bû cihê dîmenên rengîn.
Bernameya gundên din
Atolyeya Muzîkê ya Gerok dê di 4ê Tebaxê de li gundê Qozanê û di 5ê Tebaxê de jî li gundê Qerebaşê yên navçeya Sûrê bi zarokan re bicive.
