Roja 2yemîn a 58emîn Mîhrîcana Çand û Hunerê ya Şaredariya Tetwanê ya bi dirûşma “Li Tetwanê çand heye, huner heye, em hene” tê lidarxistin, bi pêşengeha wêneyan û şanoya zarokan didome.
Çalakiyên 58emîn Mîhrîcana Çand û Hunerê ya Şaredariya Tetwanê di roja duyemîn de berdewam dikin.
‘Her zarokek gulek, her gundek lîstokek’
Şanoya Arsen Pladovê ya Navenda Çandê ya Biharê (BKM) li “Baxçeyê Milet” a li taxa Esentepeyê bi dirûşma “Her zarokek gulek, her gundek lîstokek” ji bo zarokan listika ku amade kiriye da pêşandan. Li gel Hevşaredara Tetwanê Belkiza Beştaş Epozdemîr û welatiyan, gelek zarok ji bo temaşekirina şanoyê li qadê kom bûn. Lîstêkvanên şanoyê bi hunera xwe ve demên xweş li zarokan dan jiyîn. Zarokên ku piraniyên wan yekem carê şanoya bi Kurdî temeşe dikin listikê bi kelêcan û kêfxweşiya pêşwazî kirin.
Roja 2yemîn a mîhrîcanê bi pêşengeha wêneyan a Aryen Komê domiya. Di pêşengehê de gelek nîgarên wênexêzên Aryen Komê hatin pêşandan.
