MED-DERê ya Amedê û şaxa wê ya Farqînê li bajarokê Malabadê û li navenda navçeyê kargeha ziman a zarokan vekir û banga tevlîbûna bernameya 25ê Mijdarê ya jinan kirin.
Şaxa Komeleya Lêkolînê Ziman û Çanda Mezopotamyayê (MED-DER) a Amedê û şaxa wê ya li bajaroka Malabadê û li Parka Rindêxan a Farqînê kargeha ziman a zarokan vekir. Di kargehê de endam û rêveberên saziyê, mamosteyên Zarokîstanê yên Peyasê ya Amedê, mamosteyên ziman ên navçeyê û gelek kes beşdarî bernameya kargehê bûn.
Di bernameyê de mamosteyan bang li malbatan kirin ku hem zarokên xwe bişînin kursên Kurdî û hem jî tevlî çalakiya 25ê Mijdarê Roja Têkoşîna Li Dijî Tundiya Li Ser Jinan a Navneteweyî bibin. Her wiha hem li Malabadê û hem jî li navendê mamosteyan weke saetekî tîpên bi Kurdî nîşanî zarok û malbatên wan dan.
Kesên ku tevlî bernameya kargehê bûn dema ku çav bi depê destê mamosteyan ketin gelek kêfxweş bûn. Bi teybetî jî dersdayîn zêdetir bala zarokan kişand ser xwe. Xuya dikir ku zarokan gelek dixwestin ku perwerdehiya bi zimanê Kurdî bê dayîn. Her wiha malbatên wan jî wisa kêfxweşiya didan der.
Piştî dersdayîna tîpên Kurdî, bername bi gerandina govendê û lêdana çepikan bi dawî bû.
