Amed – Ekolojîstan, Meclîsa Ekolojiyê ya Bajarê Amedê ava kirin. Endamê Komeleya Ekolojiyê ya Amedê Necdet Sezgîn diyar kir ku dê li meclisê pirsgirêkên têkildarî ekolojiyê çareser bikin.
Sazî û rêxistinên ekolojiyê ji bo parastina ekolojiyê Meclisa Ekolojiyê ya Amedê ava kirin. Ekolojîstan li Eywana Konferasê ya Tahîr Elçî civîna çapameniyê li dar xistin û Meclîsa Ekolojiyê ya Bajêr îlan kirin. Ekolojîstan li eywanê pankarta “Bê jiyana ekolojik aştî pêk nayê” daliqandin. Endam û rêveberên partiyên siyasî û saziyên civakî, dayikên aştiyê û gelek kes beşdarî civînê bûn. Civînê ji bo kesên di têkoşîna azadiyê de jiyana xwe ji dest dane bi rêzgirtinê dest pê kir.
‘Em li dijî şer in’
Ewil endemê Komeleya Ekolojiyê ya Amedê Necdet Sezgîn axivî û diyar kir ku ew meclisa ekolojiyê ya Amedê ava dikin û got: “Ew meclis dê bibe çareseriya pirsgirêkên têkildarî ekolojiyê. Li Rojhilata Navîn şer heye. Em wekî Meclisa Ekolojiyê li dijî şer in.”
‘Em Moderniteya Demokratîk diparêzin’
Paşê ekolojîst Yildirim Aslan axivî û diyar kir ku tevgera azadiyê hişmendiyek daye wan û got: “Ew keda 50 salan e. Gihiştiye asteke bilind. Çiqasî bi gel re têkilî xurt be, xebat jî ew qas digihijê gel. Em pergala Modernîteya Demokratîk diparêzin. Wê rê nîşanî me daye. Azadiya jinê ronesensa me ye. Divê em ve baş fem bikin. Aliyê xwe yê ekolojîk pêş bixin.”
Piştî axaftina sînevîzyona xebatên ekolojiye hat temaşekirin.
Civîn çapemeniyê re girtî berdewam kir.
