Senetorê Kongreya Amerîkayê Lindsey Graham diyar kir ku rewşa li Sûriyeyê ya ku her diçe xira dibe wan bifikar dike û got ku ew ê hewl bidin ku ambargo deynin ser kom û hikûmetên êrişî Kurdan dikin.
Senetorê Amerîk Lindsey Graham di ser hesabê xwe yê Xê diyar kir ku ew ji ber rewşa li Sûriyeyê bifikar in û Kurd di binê gefên hikûmeta demkî ya Şamê de ye. Graham got ku Tirkiye jî piştgiriya vê hikûmeta demkî dike û gef hê mezintir dibe.
Lindsy Graham dibêje ku mutefîkên wan ên herî girîng di têkoşîna li dijî DAIŞê de Kurd bûn û terikandina mutefîkên wan ku DAIŞê têk bir, ev yek ji bo rûmet û ewlehiya neteweya Amerîkayê dê bibe felaketeke mezin.
Graham da zanîn ku ew dê pêşnûmeya yasaya ambargoyê tînin û pêşkêşê Kongreyê dikin. Lindsy Graham destnîşan kir ku di Kongreyê de her du partî jî piştgiriya ve pêşnûmeyê dikin û ev pêşnûme ji bo kom û hikûmetên neyartiya Kurdan dikin biryarên ambargoyên nû bide girtin.
Lindsy Graham diyar kir ku navê vê pêşnûmeyê jî yasaya rizgarkirina Kurd e. Graham baweriya xwe ya ji bo yasayê diyar dike û got: “Ji bo yasa encamên baş derxe holê biryarên bihêz dê bên girtin.”
