Navenda Çavdêriya Mafên Mirovan a Sûriyeyê (SOHR) trajediyeke wêranker belge kir. Li gorî daneyên mehan e, li Sûriyeyê metirsiya bermahiyên şer û tundiyê li ser jiyana zarokan berdewam dike. Tenê di sala 2025an de 504 zarok hatine kuştin.
Bandora şerê li Sûriyeyê li ser zarokan ji hilweşîna rejîma berê ve xerabtir bûye; tundiya berdewam û binpêkirinên berbelav, bûye sedema zêdebûna mirinan û astengkirina xizmetên bingehîn. Derbarê xetereyên zêde yên ku gefê li komên herî bê parastin a welat dixwin de hişyarî hatin dayîn.
Ji dema hilweşîna rejîma berê di 8ê Kanûna 2024an ve, Sûriyeyê, bi taybet zarok beşa herî bêparastin a civakek ku ji ber şer wêran bûye û bedela herî giran didin. Navenda Çavdêriya Mafên Mirovan a Sûriyeyê (SOHR) trajediyek wêranker belge kiriye: ji hilweşîna rejîmê û heta nîvê Tîrmehê nêzîkî 732 zarok hatine kuştin.
Navenda Çavdêriya Mafê Mirovan a Sûriyeyê (SOHR) di xebatan de ji bo parastina zarokan û paqijkirina qadên bicihbûnê ji bermahiyên şer ku dibe sedemê mirinan, bal kişandin ser pêwsîtiyên xebatên cidî. Banga xwe ji bo hemû hêzên ku herêmê kontrol dikin û rêxistinên navneteweyî yên pêwendîdar dubare kir.
Di daxuyaniyê de hat destnîşankirin ku ev windahiyên giran ne tenê îstatîstîk in ku werin tomar kirin, berevajî bangek ji bo zindîkirina rêya edaletê, zextkirina li ser hemû aliyan ji bo peydakirina qadek ewle û aram û destpêkirina lêpirsînên şefaf ku berpirsiyarên rijandina xwîna zarokên Sûriyeyê di serdema piştî rejîmê de hesab bidin e.
