Li Erxeniyê bi armanca ji bo parastina bajar, xweza û cihên jiyana hevpar di çarçoveya kampanyaya “Bi Keda Kolektîf Bajarên Paqij” de ji Parka Botanîkê heya Kolana Pîranê xebateke paqijiyê ya berfireh hate kirin.
Şaredariya Erxeniyê ragihand ku ew bi armanca ji bo parastina bajar, xweza û cihên jiyana hevpar di çarçoveya kampanyaya “Bi Keda Kolektîf Bajarên Paqij “de, bi dirûşmeya “Bi Gel Re, Em Bajarê Xwe Paqij Dikin”, ji Parka Botanîk heya Kolana Pîranê xebateke paqijiyê ya berfireh hate kirin. Bi tevlibûna Hevşaredariya Erxeniyê Bîrsen Azak Bayar, endamên rêxistinên navçeyê yên DBPê û DEM Partiyê rêveberên rêxistinên civaka sivîl, hevkarên şaredariyê û bi beşdariya gel xebata paqijiyê hat kirin. Di xebata ku bi ruhekî hevgirtinê û hewldaneke hevpar hate kirin de çop hatin berhevkirin û li seranserê rêyan paqijî hat kirin.
‘Em ê ji bo Erxeniyek paqijtir û xweştir bi hev re jiyana hevpar biparêzin’
Şaredariyê ragihand ku ew hewldanên xwe yên ji bo Erxeniyek paqij, ewle û tendurist didomînin û wiha gotin: “Di çarçoveya kampanyayê de, em ê heta 19ê Tebaxê, li ser bingeha ruhekî hevgirtinê û keda hevpar, li deverên cuda yên navçeya xwe bi gelê xwe re xebatên paqijiyê yên berfireh bidomînin. Em ê ji bo Erxeniyek paqijtir û xweştir bi hev re bajar, xweza û cihên jiyana hevpar biparêzin.”
