Kujerê Mûsa Tan ê li Êlihê li naverasta kuçeyê hatibû kuştin, hate girtin. Navê kujer Zervan Îmîr e.
Mûsa Tan ê 70 salî di 5ê Tîrmehê de li Taxa Hîlalê ya Êlihê li naverasta kuçeyê di encama êrişeke çekdarî de jiyana xwe ji dest dabû. Piştî bûyerê lêpirsîn hatibû destpêkirin. Li gorî agahiyên parêzerê dosyeya Tan da; di rojên bihûrî de kujer bi xwe diçe teslîmî Midûriyeta Polîsan a Bajêr dibe. Hate diyarkirin ku navê kujer Zervan Îmîr e û 23 salî ye.
Parêzerê dosyeya Mûsa Tan, Yûnûs Bagiş ragihand ku piştî Mûsa Tan tê kuştin çend roj derbas dibin Zervan Îmîr bûyerê ji bavê xwe re dibêje û da zanîn ku di 20ê Tîrmehê de diçe teslîmî Midûriyeta Polîsan a Bajêr dibe. Parêzer da zanîn ku piştî îfadeya Zervan Îmîr hatin wergirtin, hate girtin. Yûnûs Bagiş diyar kir ku polîsan ev bûyer eşkere nekiriye, faîl bi xwe çûye teslîmî midûriyeta polîsan bûye.
