Polîsan Wan de dima ke rayîrşîyayîş û eşkerayîya seba Rojava qedîyaye hêrişê ciwanan û rojnameger Kadîr Cesûrî kerd. Kadîr Cesûr rîyê guleyê polîsan ra birîndar bi û kewt erd.
Pêşengîya Platformê Sazgehanê Demokratîk ê Wanî de bi hezaran kesî seba ke bale biancê hêrişanê çeteyanê HTŞ û SMO’yî yê vera Rojava ser o vernîya WAN AVM’yî ra heta Parka Aştî ya Mûsa Anter rayra şîyê. Dima ke çalakî qedîyaye û şar vila bi, ciwanê Wanijî bi slogananê “Bijî berxwedana Rojava”, “Yek e yek e yek e gelê Kurd yek e” kuçeyan ra vila bîyê û rayra şîyê. Polîsan hemverê rayirşîyayîş û slogananê ciwanan nêşina xo û bi guleyanê plastîk hêrişê ciwanan kerd.
Rojnameger Kadîr Cesûr ke çalakî taqîb kerdêne, bi hedefê polîsan. Polîsan guleyê plastîkî da qirpiçika Kadîr Cesûrî û o xeriqîya. Demêko kilm ra pey Cesûr ame xo ser.
