Newroz Bozkurta ke nêwaşa losemî ya muracatê ci yê peydeştişê înfazî 40 rojî yo nîno cewabkerdene.
Newroz Bozkurta ke Zîndanê Qefilnayeyî yê Sîncanî de ya nêwaşa losemî ra rewşa ci çend şino giranêr bena. Avukatê Newroz Bozkurt seba ke nêweşîya ci xidar bîye, 12ê teşrîna verene de muracatê Serdozgerîya Komare ya Anqara kerd ke wa înfazê ci bêro peydeştene.
Rixmo ke muracatî 40 rojî xo dima verdayî hema zî serdozgerîye derheqê peydeştişê înfazî de qet cewabêk nêda. Newroz Bozkurta ke 14ê teşrîna peyêne de bi rîskê merdişî wedarîyaye nêweşxane, tedawîya ci dewam kena.





