Rojnameger Îsmaîl Arî ke 21ê teşrîna verêne de bi gerreyê Serekê RTUK’î yê verênî Ebûbekir Şahînî amebi destbendkerdene, 29 rojan ra dima roniştişê verênî de ame tehlîyekerdiş û dewa ra berat kerd.
Îsmaîl Arî 21ê teşrîna verêne de seba ke derheqê gerreyê “heqaretê vera wezîfedarê rayapêroyî” û “vilakerdişê agahîyanê xapênayoxan” de ke hetê Serekê RTUK’î yê verênî Ebubekir Şahînî ra amebi kerdene, îfade bido şîbî Mudirîya Asayîşî ya Anqara û dima amebi destbendkerdene. 29 rojan ra dima, roniştişê verênî yê dewaya Îsmaîl Ari Mehkemaya Eslîye ya Anqara ya 32. de ame kerdiş. Roniştişî de Arîyî ard ziwan ke ey verê cû îdîanameyêko hende xirab nêdîyo. Arîyî îfade kerd ke o sey rojnameger tena heqanê xo şuxulneno û fealîyetanê xo yê meslekîyan ano ca û îfade kerd ke karo ke keno suc nîyo.
Badê pawitişanê Ari û avûkatê ey heyetê mehkema qerarê xo eşkera kerd; hukmê veradayîş û beratê Îsmaîl Ariyî kerd.











