Fîlozofa fransiz Catherine Malabou mektuba xo de ke Rayberê Şarê Kurdî Abdullah Ocalanî rê erşawit, paştî daye prosesî û vat: “Na gama peyêne serkewtişêk o ke bi qerarê şima yê zaneye û cesurî ame destfînayene.”
Semedê prosesê Aştî û Komelê Demokratîkî yo ke bi vengdayîşê Rayberê Şarê Kurdî Abdullah Ocalanî yê 27ê sibate da destpêkerdene, mesajê paştîdayîşî devam kenê.
Fîlozofa fransiz Catherine Malabou ke na çarçewe de Rayberê Şarê Kurdî Abdullah Ocalanî rê mektube erşawit, bale ant qerarê zaneyeyî û cesurî yê Rayber Apoyî ser.
Mektuba ke seba ke bidîyo Rayberê Şarê Kurdî Abdullah Ocalanî Heyetê Îmralîyî rê ame teslîmkerdene û wina yo:
”Tirkîya û xeylê cayanê bînan ê dinya ra xeylê kesê ke wazenê wa kurdan rê hurmet bêro kerdene, azadîye û nasnameyê ci bêro naskerdene, bi destpêkerdişê nê prosesî şa benê ke endamanê verênan ê PKK’yî rê heqê medenî do bêrê naskerdene. Na gama peyêne serkewtişêko ke xeyrê qerarê şima yê zanaye û cesurî ke seba tewrbîyayîşê prosesê sîyasî yê aştîyaneyî ame girewtene, ame destfînayene.
Demokrasî ca yo ke mumkin o ganî ser bikewo. Fransa de sey mi xeylê heyranê şima est ê ke şima wanenê, konfederalîzmê demokratîkî rê eleqedar benê. Ma tehemul nêkenê ke şima hema zîndan de yenê girewtiş. Ez hêvî kena ke na rewşa teberê merdimîyî nêzdî ra qedîyena. Êdî wextî ra dima şima heq kenê ke sey kesêkê azadî biciwîyê; bêşik şima azadîye heq kenê. Nê demî de cesaretê xo bipawe Apoyo sînaye.”
