• Kurmancî
  • Kirmanckî
  • |
  • Derheqê Ma De
  • |
[email protected]
Ajansa Welat
16 MIJDAR 2026
No Result
View All Result
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
No Result
View All Result
Ajansa Welat
No Result
View All Result

Leyla Guvene: ‘Êdî ma merheleyêk de yê ke Komara Demokratîke newe ra bêra awankerdiş’

Ankara / AW

15 MIJDAR 2026 - 14:21
Kategorî: KIRMANCKÎ - MANŞET, KIRMANCKÎ - ROJANE
A A
Ankara – Sîyasetmedara Kurde Leyla Guvene panelê “Qanûnê çarçeweyî ra zafêr aştî, edalet, azadî û komelo demokratîk” rê mesajêk şawit û dîyar kerd ke ê merheleyêk de yê ke Komara Demokratîke newe ra bêra awankerdiş.

Sîyasetmedara Kurde Leyla Guvene bi nameyê 30 hepsîyanê cinîyan ê Hepisxaneyê Sîncanî panelê “Qanûnê çarçeweyî ra zafêr aştî, edalet, azadî û komelo demokratîk” rê mesajêk şawit ke hetê OHD û HDK’yî ra yeno viraştiş.

Mesajê Leyla Guvene wina yo:

“Kedkaranê delalan ê HDK’yî, embazê ke tewrê panelî bîyê, dostêno;

Ma sey 30 hepsîyanê cinîyan ê sîyasîyan ê Hepisxaneyê Sîncanî, bi hesreta asmênê kewî yê bêpeynî şima xo verare kenê. Rixmê ke hetê fîzîkî ra ma şima het de nîyê zî, bizanê ke bi hîs û fikranê xo ma şima reyde yê.

Embazê delalî,

Her kesê ke bi îdiayanê şorişgerîye rayîr kewto, zano ke hepisxane zî îstasyonêko mecbûrî yê têkoşînî yo. Hema vajê tu şorişger çin o ke tewrê na nobete nêbîyo. Sey ke embazê ma yo delal Sirri Sureyya vano: ‘Hepisxane zî parçeyêkê welatî yo.’ Coka ma baş ê, bêmoral nîyê û bi hêvî yê; çunke ma bawerîya xo bi xo û bi şima embazanê xo anê.

Embazê biqîymetinî, embazê ma,

Rixmê krîz û gerginîyanê zafhetinan ê welatî zî, cehdê şaran ê seba afirnayîşê rojeva xo zaf biqîymetin o. No panel zî sey meşaleyêk o ke tarîtî de ameyo roşnkerdiş. Ma zî na kede ke seba xurtkerdişê rojeva raştêne ya şaran yena dayîş, zaf bimana vînenê. Muhimîya organîzasyon û kombîyayîşanê winayênan her ke şona zêde bena. Deşîfrekerdişê rojevê sexteyî, rijîyayîşê komelî û qetlîamê cinîyan bi raştî bêrê eşkerakerdiş; no zaf muhîm o. Eynî wext de ma bawer kenê ke ganî asayîşan ra wetêr, her tim bêro vatiş ke alternatîfê înan çin ê.

Sey ke şima zî zanê, badê her gerginîye bêçareyîyêk komelî ser o yena ferzkerdiş; yeno vatiş ke ‘Nînan reyde nêbeno.’ Persa ‘Eke wina bo, do kamî reyde bibo?’ meydan de vindena. Goreyê ma, tam na noqte de ganî bi vengêko berz û bi her ziwanî bêro qêrayîş: Do bi hêzê xoserî yê şaran bibo! Ganî bêro vatiş ‘Ma şar ê.’ Vera hêzê yewbîyayeyî û rêxistinkerdeyî yê şaran, kamcîn sîstem û kamcîn hêz eşkeno vindero?

Embazê birêzî,

Sey ke şima zanê, Rojhelatê Mîyanênî de seserra 21. hetê îqtîdaran ra yena dîzaynkerdiş. Na çarçewe de vanê ‘Wa şarê bêstatu û rêxistina çekdare nêmanê’ û bi no fehm her roj cehdê neweyî yê dagîrkerîye kenê. Vateyêko namdar est o: ‘Kesê ke çareserîya înan bi xo çin a, mecbûrê çareserîya kesanê bînan benê.’ Bi rayîrê mojnayîşo ganî yê qetlîam, merdiş, dej, veyşanîye û bêçareyîya Gazze heme şaranê dinya rê, dagîrkerî û xirabîya bêpeynî normal kenê. Eya, bi mîlyonan merdiman sey temaşekerdişê fîlmêk ewnîya nê asayîşanê wehşetî û tu çî destê înan ra nêame.

Waştêne ke eynî konseptî Rojava de zî bierzê felîyet. Goreyê şima zî, vilakerdişê vîdeoyê bi gijikanê porê embazêka cinîye yan zî eştişê cinîyêke binayêk ra badê kiştişê aye, provokasyon nêbî? Şima zanê ke taktîkê emperyalîstan ê ‘Verê cû cinîyan bikişê’ wehşetêko winayên o ke hetanî ewro her tim ameyo dîyiş û bicaardiş.

Eya, babeta panelê şima ya derheqê entegrasyonê demokratîkî yê persa Kurdan, qanûnê çarçeweyî û ê bînan de, babete bingeyênî û dejî yê welatî yê. Şarê Kurdî ke seserrêk zafêr o koyan ra muxatabê xo, nasname û kulturê xo yê înkarkerdeyî cigêreno, peynî de dî. Bi eşkerayî yeno dîyarkerdiş ke no muxatab îqtîdaro nikayên nîyo, raste-rast dewlete bi xo ya. Şarê Kurdî têkoşînê 50 serranê peyênan de şerê xo yê estbîyayîş û şerefî temam kerdo. Êdî ma merheleyêk de yê ke Komara Demokratîke newe ra bêra awankerdiş. Şarê Kurdî bi pêşengîya xo, bi sazgehanê xo û bi şarê xo yê heme parçeyan wazeno roştîya paradîgmaya newe de rayîrê xo dewam bikero. Ma wazenê komelê demokratîkî bingeyê entegrasyonê demokratîkî ser o newe ra awan bikerê.

Averberdişê sîyasetê demokratîkî bi rayîrê polîtîkaya pratîke, vera fehmê sosyalîzmê dewlet-neteweyî yo. Coka ma vanê ke ma komelî bingeyê neteweya demokratîke, eko-ekonomî û komunalîzmî ser o newe ra awan kenê. Bicaameyîşê entegrasyonê demokratîkî parçeyanê bînan de zî amancê ma yo sereke yo. No model ke ma sey beşdarîya raste-rast a şarî ya qerarê cuya xo de vînenê, do seba Rojhelatê Mîyanênî yê pêroyî zî bibo hewcedarîyêka bêalternatîfe. Na cografyaya zafkulturî, zafnasnameyî û bi zaf bawerîyan de, modelo tewr raşt do no bo. Bi wext do hîna eşkera baş dîyîş ke rayîro yewin ê cuyêka seyyewbîne, azade û bi aramî hem seba welatê ma hem zî seba mintiqaya ma tena no yo.

Wexto ke merdim ewnîyeno waştişanê vurnayîşî yê dinya, zaf eşkera yo ke modelo tewr raştên; vîyartişê dewlet-neteweyan û awankerdişê modelê komelê komunalî û neteweya demokratîke yo ke mekanîzmaya kontrolî destê şaran de bo. Eke wina nêbo, sey prosesê ke ci rê vatêne ‘Wisarê Erebî’, merdimê ke vejîyayî kuçeyan û bedelê zaf giranî dayî, do destveng agêrê keyeyanê xo. Çunke destê înan de plan, program, model û sîstemêko raşt çin bî ke cuya şarî bivurno. Wexto ke wina bî, zalimî zî zulmê xo dewam kerd. Şarê Kurdî na babete de hîna bi şans o; serkewtişê nê prosesî do seba şarê Kurdî wisarêkê azadîye, seba şaranê Tirkîya zî wisarêkê demokrasî biyaro. Seba dinya zî Rayberîya ma vana: ‘Çira Yewîya Neteweyanê Demokratîkan a Dinya awan nêbo?’ Eke amancê şima eşkera bo, şima do rayîr û metodê aye zî bivînê, wina nîyo?

Embazê delalî!

Şima uca yê, çunke şima qîmet danê. Sey ke şima zanê, wexto ke vate heqîqetî reyde bibo yew, zaf bihêzêr beno. Şima zî hem nê panelî de hem zî zaf warê bînan de nê vateyan anê ziwan û bi no hawa piştî danê Prosesê Aştî û Komelê Demokratîkî. Çunke şima ê embazî yê ke eşkenê vajê ‘Zalim ma ra bo zî, ez înan ra nîya’ û vera her tewir qirkerdişî vateyê xo nênimnenê.

Embazêno,

Sey ke şima zanê, demê krîz û gerginîyan eynî wext de ê demî yê ke tewr zaf firsendê neweyî zerreyê xo de hewênenê. Seba ke prosesê çareserîye bireso serkewtiş û şarî bieşkê paradîgmaya xo ya demokratîke, ekolojîke û azadîwazîya cinîye bierzê pratîk, her kede û xebat zaf biqîymetin a.

Wexto ke ez vateyanê xo qedênena, ez şima her yewe bi germîya embazîye hembêz kena û cigêrayîşê şima yê manayî de serkewtiş wazena. Bi hêvîya dîyîşê demêkê ke ‘herd bibo rîyê eşqî’, ez xebatanê şima rê serkewtiş wazena. Serkewtiş!”

Tags: entegrasyonê demokratîkîHDK.Hepisxaneyê SîncanîKomara DemokratîkeLeyla GuvenOHDProsesê Aştî û Komelê Demokratîkî
ShareTweetSendShareShare

Nûçeyên Din

Panelê aştî, edalet, azadî û komelê demokratîkî dest pêkerd

Panelê aştî, edalet, azadî û komelê demokratîkî dest pêkerd

15 MIJDAR 2026
‘Rixmê prosesî 16 hepsîyanê nêweşan cuya xo vîndî kerd’

‘Rixmê prosesî 16 hepsîyanê nêweşan cuya xo vîndî kerd’

15 MIJDAR 2026
Keyeyê hepsîyan: Hetanî hepsî azad nêbê, proses aver nêşono

Keyeyê hepsîyan: Hetanî hepsî azad nêbê, proses aver nêşono

14 MIJDAR 2026
Îdareyê Têgêrayîşî: Wexto ke îqtîdarê AKP’yî warê huqûqî yo hewce temîn bikero problem do çareser bibo

Îdareyê Têgêrayîşî: Wexto ke îqtîdarê AKP’yî warê huqûqî yo hewce temîn bikero problem do çareser bibo

13 MIJDAR 2026
Vera asîmîlasyonê netew-dewlete modelê çareserkerdişî: Entegrasyon

Vera asîmîlasyonê netew-dewlete modelê çareserkerdişî: Entegrasyon

13 MIJDAR 2026
Numan Kurtulmuş serdana DEM Partiyê kir

Numan Kurtulmuşî DEM Partî zîyaret kerd

11 MIJDAR 2026

↗️ XEBERÊ KE ZAF AMEYÊ WENDIŞ

Seyîd Riza û embazanê ey yad bîy: Gereke cayê mezelanê înan eşkera bibo

Seyîd Riza û embazanê ey yad bîy: Gereke cayê mezelanê înan eşkera bibo

15 MIJDAR 2026
Seyîd Riza û embazê ey ebi kilaman ameyî vîrardene

Seyîd Riza û embazê ey ebi kilaman ameyî vîrardene

15 MIJDAR 2026
YCK-KURD: Amanc azadîya fîzîkî ya Rayber Apo û komelo demokratîk o

YCK-KURD: Amanc azadîya fîzîkî ya Rayber Apo û komelo demokratîk o

15 MIJDAR 2026
Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

Cinîyan ra vengdayîş: Wa bêcezatî biqedîyo, şîdetê camêrd-dewlete reyde têrîameyîş bibo

15 MIJDAR 2026
Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

Seyîd Riza û embazê ey Dêrsim de ameyî vîrardene: Tekoşînê înan ma rê roşnayî ya

15 MIJDAR 2026

ARŞÎV

  • MIJDAR 2026 (212)
  • COTMEH 2026 (357)
  • ÎLON 2026 (274)
  • TEBAX 2026 (308)
  • TÎRMEH 2026 (406)
  • HEZÎRAN 2026 (336)
  • GULAN 2026 (327)
  • NÎSAN 2026 (349)
  • ADAR 2026 (422)
  • SIBAT 2026 (387)
  • ÇILE 2026 (540)
  • KANÛN 2025 (254)
  • MIJDAR 2025 (226)
  • COTMEH 2025 (209)
  • ÎLON 2025 (232)
  • TEBAX 2025 (210)
  • TÎRMEH 2025 (299)
  • HEZÎRAN 2025 (257)
  • GULAN 2025 (334)
  • NÎSAN 2025 (265)
  • ADAR 2025 (317)
  • SIBAT 2025 (317)
  • ÇILE 2025 (298)
  • KANÛN 2024 (293)

Ajansa Welat, bi xeberanê xusûsîyan, dosya, cigêrayîş, dîmen û vengan komelî agahdar û roşnî kena.

Bi şîarê agahîyanê raşt û objektîfan weşanî esas gêna, serê şopa heqîqetî de agahîyan vila kena.

Ajansa Welat bi xeber û tedeyanê xo bena veng û rengê welatî.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

No Result
View All Result
  • HEME XEBERÎ
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • KURMANCÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne