Dêrsim – Meydanê Seyîd Rizayî de saete 19.37î de Seyîd Riza û embazê ey ebi kilaman û veşnayişê çilayan ameyî yadkerdene. Şaro ke Meydanê Seyîd Rizayî de kom bîbî beştarê kilamanê Hunermendan bîyî.
Yadkerdişê Meydanê Seyîd Rizayî de zaf hemwelatîyî beşdar bîyî. Yadkerdiş ebi veşnayîşê çerağan dest pêkerd. Dima rez girewtişî ra lokmayî ameyî vilakerdene.
Yadkerdiş pêşengîya Platformê Kede û Demokrasî yê Dêrsimî de ame viraştene. Serrgêra dardekerdişê Seyîd Riza û embazanê ey ê 89îne de mîyanê roje de zî çalakî û eşkerayî ameyî dayene. Emser zî zê her serre seba ke qirkerdiş serra 1937 de ameyo kerdene; sey sembol saete 19.37ê şanî de Meydanê Seyîd Rizayî de çilayî ameyî tafistene, loqmeyî ameyî vilakerdene û hunermendan û şarî pîya kilamî vati.



















