Ciwanê taxa Xaçortî ya Wanî verba tayînkerdişê qeyûman şewe heta saetanê ereyan çalakî kerdê û polîsan reyde şer kerd. Vîdeoyanê de ke ameye antene yeno fehmkerdene ke ciwanan kuçeyê taxa Xaçortî kerdê qada şerî.
Wan de ciwan û kesê ke taxa Xaçortî ya Wanî de ronişenê verba xespkerdişê Şaredarîya Şaristanî Girdî ya Wanî şewe heta saetanê ereyan çalakî kerdê. Ciwanê taxe xeylê kuçeyanê Xaçortî de vejîyayê teber û adir wekerd. Ciwanan bi fîşekanê hewayî kuçeyê taxe roşnî kerdê. Polîsê ke bi TOMA û erebeyanê zirxinan şîyê taxe û waştêne hêrişê ciwanan bikerê, ciwanan bi fîşekanê hewayî cewab da polîsan. Vîdeoyê ke uca de ameyê antene mojnenê ke ciwanan kuçeyê taxe kerdê qada şerî.
