Cenazaya Erol Kurtî ke dimayê 11 serran teslîmê keyeyê ey ameye kerdene, Wan de bi merasîmeko girseyî ameye definkerdene.
Cenazaya Erol Kurtî (Baxtiyar Botan) ê PKK’yijî ke bejayîyê Koyulhîsarê Sêwasî de pêkewtişî de cuya xo ra bibi, dimayê 11 serran teslîmê keyeyê ey ameye kerdene.
Cenazaya Erol Kurtî Goristanê Yukari Tekke yê Sêwasî de ameybî definkerdene. Dima ra ke serra 2022î de ame eşkerakerdene ke Kurt cuya xo ra bîyo, keyeyê ey seba girewtişê cenaza muracatê Serdozgerîya Komarî ya Sêwasî kerd. Seba tespîtkerdişê cenaza keyeyê nimûneyê DNA’yî da, la dimayê 4 serran cewab dabi înan.
Wexto ke encamê DNA’yî aşkera bi, keyeyî cenaza girewt û ard Goristanê Karşiyaka yê qezaya Rêya Armûşî ya Wanî.
Endamê komela MEBYA-DER’î û xeylê kesî beşdarê merasîmê cenaza bîyî. Cenazeya Erol Kurtî dimayê bicaardişê wecîbeyanê dînîyan, bi sloganê “Şehîd namirin” ameye definkerdene.
