Bi hezaran jin li bajarê Hesekê ya Kantona Cizîrê kom bûn û ji bo azadiya fîzîkî ya Rêberê Gelê Kurd Abdullah Ocalan meşiyan.
Bi hezaran jin di pêşengtiya Kongra Star de li bajarê Hesekê ya Kantona Cizîrê kom bûn û ji bo azadiya fîzîkî ya Rêberê Gelê Kurd Abdulah Oaclan meşiyan. Jinan di meşê de pankarda “Di bin dirûşma Jin jiyan Azadî de dê mafê hêviyê pêk bê” vekirin û li pişt pankartê meşiyan. Bi hezaran jinên ji Şedadê, Hol, Dirbêsiyê , Til Birak, Til Temir, Erîşa, kampa Waşûkanî, Serêkaniyê û koçberên Efrînê, kom bûn, meşeke girseyî pêk anîn.
Meşê ji Çerxerêya Merşo ya Hesekê dest pê kir, heya Çerxerêya Azadiyê dom kir. Jinan di meşê de wêneyên Rêberê Gelê Kurd Abdullah Ocalan hilgirtin û dirûşmên “Bijî Serok Apo”, “Bê Serok jiyan nabe” û “Bi can bi xwîn em bi te re ne ey Serok” berz kirin.
Bi hezaran jin piştî meşê gihişt Çerxerêya Azadiyê û li vir bi girseyî daxuyanî dan. Endama Koordînasyona Kongra Star a bajarê Hesekê Xalîde Botî axivî û wiha got: “Divê jin deng û têkoşîna xwe bilind bikin. Banga Rêber Abdullah Ocalan a ji bo aştiyê û civaka demokratîk li cîhanê belav bûye. Divê em jî têkoşîna xwe xurttir bikin, da ku ev pêngava aştiyê bi ser bike.”
Xalîde Botî destnîşan kir ku nameya Rêberê Gelê Kurd Abdullah Ocalan şandiye, ji bo hevgirtina di nava tevahî pêkahteyan de bi taybet kurd û Ereban de xurttir bibe û wiha domand: ” Divê tevahî pêkhate û netew hevgirtina hevdu bikin. Hemî şer û siyaste ku tê meşandin ji bo qirkirina gela ye.”
Xalîde Botî komkujiya Dêr Hafirê jî bibîr xist û got: “Eger em li dîrokê meyze nekin, wê her roj dagirker gelê me bidin qirkirin. Em ê li hemberî van hemî kiryaran û siyasetên ku li dijî gelê me didin meşandin, bê deng nemîn. Em ê heya dawiyê têkoşîna xwe bidomîn da ku em bigihêjin azadiyê.”
Endama Rêveberiya kongra Star a bajarê Şedadê Emîre Seid jî destnîşan kir ku Rêberê Gelê Kurd Abdullah Ocalan 26 salin di zîndana îmraliyê de ye û got: “Divê mafê Rêber Abdullah Ocalan a hêviyê pêk were û tecrîd bi dawî bibe û wiha got: “Tu carî jin wê gavan paş navêje û heya azadiya fizîkî ya Rêber Abdullah Ocalan misoger nebe, wê her li qadan bin.”
Meş bi dirûşmên “Bê Serok jiyan nabe” bi dawî bû.”
