Fermandariya Giştî ya YPJê derbarê hevdîtinên ku li Şamê pêk tîne de diyar kir ku hevdîtin bi awayek erênî û avaker derbas bû û ji bo temamkirin û encamkirina pêvajoya entegrasyonê wê hevdîtinên wan berdewam bikin.
Fermandariya Giştî ya Yekîneyên Parastina Jin (YPJ) derbarê hevdîtinên li Şamê pêk tîne de daxuyaniyek niviskî belav kir.
Daxuyaniya YPJê bi vî rengî ye:
‘‘Di dîroka 26ê Tebaxê de fermandariya me ya Yekîneyên Parastina Jinê (YPJ) bi şandeyeke fermî ya Wezareta Karên Navxwe ya Hikûmeta Demkî ya Şamê re hevdîtinek pêk anî.
Di hevdîtinê de, mijara ewlehî û aramiya Sûriye û siberoja hevkarî û hevrêziyê di navbera her du aliyan de bi awayekî berfireh hate nîqaşkirin.
Rojeva sereke ya civînê siberoja YPJê bû. Hate teqezkirin ku YPJ, wek hêzeke taybet û rêxistinkirî dikare di bin banê Wezareta Karên Navxwe de were entegrekirin.
Hevdîtin bi awayek erênî û avaker derbas bû. Ji bo temamkirin û encamkirina pêvajoya entegrasyonê di çarçoveya peymana 29ê Çileya 2026an de, wê hevdîtin û dan û standinên me berdewam bikin.”
