Dozgeriyê di danişîna doza rojnameger Bêrîvan Kûtlû ya ku ji ber xebatên xwe yên rojnamegeriyê bi îdiaya “propagandaya rêxistinê” tê darizandin, muatala pêşkêş kir û ceza xwest.
Danişîna 4emîn a doza nûçegihana Ajansa Mezopotamyayê (MA) Bêrîvan Kûtlûyê ku ji ber tevlibûna bernameyên televîzyonan ên piştî erdheja 6ê Sibatê ya navenda wê Mereş û Hatayê parvekirinên li ser hesabê Xyê bi îdiaya “propagandaya rêxistinê kiriye” tê darizandin, li 4emîn Dadgeha Cezayên Giran a Amedê hat lidiarxistin. Bêrîvan Kûtlû tev li danişînê nebû û parêzerê wê Resûl Temûr di danişînê de amade bû.
Dozgeriyê muatalayê pêşkêş kir û xwest ku Bêrîvan Kutlu bi îdiaya “propagandaya rêxistinê” bê cezakirin. Parêzer Resûl Temûr li dijî mutalayê daxwaza wext kir. Dadgehê daxwaza parêzer qebûl kir û danişînek din taloqî 1ê Kanûnê kir.
