Çavkaniyên ji gundê Şêxorza Jorîn ê navçeya Bilbilê ya Efrînê diyar kirin ku ji ber hebûna baregeheke hêzên taybet yên dewleta Tirk li gund, şêniyên gund nikarin vegerin malên xwe.
Li gorî nûçeya ANHAyê dewleta Tirk di mehên dawî hin baregehên xwe yên leşkerî li Efrînê vala kirine û ji ber ku bargeha li gundê Şêxorza Jorîn hîna vala nekiriye şênî nikarin vegerin malên xwe.
Şêniyekî ji gundê Şêxûrza Jorîn ku nexwest navê xwe eşkere bike, diyar kir ku bargeha dewleta Tirk a li gundê Şêxorza Jorîn vala nebûye, lê tenê hêzên li baregehên hatine guhertin.
Her wiha diyar kir ku hêzên taybet ên artêşa Tirk û bi çekên giran derbasî baregeha li gund bûne.
Heman çavkaniyê destnîşankir ku gundê wan Şêxorza jorîn hîna bargeha dewleta Tirk lê heye û gundî nikarin vegerin malên xwe.
Gelek koçberên vegerîne Efrînê ji ber hebûna malbatên çeteyan û bargehên dewleta Tirk nikarin vegerin gund û malên xwe.
