Hikûmeta Hollandayê wergirtina berhemên ji wargehên neqanûnî yên Îsraîlê yên li ser xaka Fîlîstînê ya dagirkirî ji 22yê Îlonê û şûnde li welatê xwe qedexe dike.
Wezareta Karên Derve ya Hollandayê de ragihandin ku berhemên Îsraîlê yên li ser xaka Fîlîstîna dagirkirî bi rengekî derqanûnî tên hilberandin, wê ji 22yê Îlonê û şûnde bên qedexekirin.
Îsraîl ji sala 1967an û vir ve Şerîaya Rojava di bin dagirkeriyê de digire. Li Şerîaya Rojava nêzî 500 hezar Îsraîliyên bûne niştecih û nêzî 3 milyon Fîlîstînî dijîn.
Di Yekîtiya Ewropa de her çendî ku vê mehê gelek welatan piştgirî dabe qedexeya îthalata berhemên Îsraîlê jî, biryareke hevpar nehate dayîn. Îrlanda, Belçîka û Spanyayê jî berê astengiyên xwe yên bazarî yên neteweyî, xistibû meriyetê.
Hat diyarkirin ku ji destpêka şerê li Xezeyê û vir ve, li Şerîaya Rojava ya dagirkirî bûyerên tundiyê zêde bûne.
Neteweyên Yekbûyî û rêxistinên mafên mirovan diyar dikin ku êrîşên Îsraîliyan ên li hemberî Fîlîstîniyan her roj diqewimin.
