Hewildana Ji Bo Roboskiyê Edalet bang kir ku faîlên Roboskiyeyê bên darizandin û serdema pêvajoya aştiyê de rûbirûbûna vê yekê bê kirin.
Hewildana Ji Bo Roboskiyê Edalet, derbarê 34 qurbaniyên Roboskiyê de ku di meha 176emîn de li Cadeya Sakaryayê ya Enqereyê daxuyanî da. Endamên hewildanê û parazvanên mafê mirovan tev li daxuyaniyê bûn. Di daxuyaniyê de pankarta li ser ‘Bila kujêr bên dîtin’ û ‘Bila Roboskî carekê din neqewime’ dinivîsî hat rakirin. Girsê bi dirûşmeyê “Bila kujêr bên dîtin, hesap bê pirsin” berz kirin. Metna daxuyaniyê ji aliyê berdevkê hewildanê Tanju Gunduzalp ve hat xwend.
Tanju Gunduzalp diyar kir ku divê di vê pêvajoyê de rûbirû hatina bûyerên wek Roboskiyê divê pêk were û wiha got: “Li ser vê komkujiyê 765 heftê, 176 meh û 14 sal derbas bûye. Ji Roboskiyê 19ê ji wan zarok 34 sivîl hatin qetilkirin û hêj ên ku wan kuştine nehatine darizandin. Di şeva 28ê Qanûna 2011an de li gundê Roboskiyê ya giredayî navçeya Qilebanê ya Şinexê ji bo debara xwe bikin welatî li ser sînor diçûn û dihatin. Koordînatên wan jî ji aliyê dewletê ve dihat zanîn. Lê dîsa jî bi balafirên şêr ew welatî hatin bombebarankirin û hatin qetilkirin. Li ser vê mijarê 176 meh derbasbûn. Heta niha ji bo ew mijar neyê ronîkirin rayadarên dewletê belge û delîlên wan tarîkirin û faîlan parastîn. Niha pêvajoyek li holê heye. Qanûna çarçoveyî jî ji bo derbasbûna pêvajoyê ya ji hêla hiqûqê ve tê nirxandin. Aştî ne tenê bêdengkirina çêkan e. Aştiyek pêk were divê faîlên mafên mirovan binpê kirine bên darizandin û divê yekparebûna civakê pêk were. Bi ser girtina heqîqetê aştî pêkan nabe. Mafê hemû civakê heye ku pirsa windayan bike û aqûbeta wan hîn bibe.”
‘Aştiyekê bi mafên mirovan diparêze dixwazin’
Tanju Gunduzalp anî ziman ku ew aştiyeke mafên mirovan diparêze dixwazin û ev tişt vegot: “Dayikek aqûbeta zarên xwe bipirsê ew pisgirêka ewleheyiyê dernaxe holê. Welatiyek şer nexwazê ew pisgirêka ewlehiyê dernaxe holê. Ya ku sûcê bêceza hiştine. Em dixwazin ku her kes bi hesanî heqê xwe bikaribe bixwaze. Em aştiyê tenê bi çekdanînê pênase nakin. Em pergaleke ku heqîqet, maf, welatîbûna wekhev û azadiyê diparêze dixwazin. Şer ji bo gelan xirapbûn û xizanî tînê. Roboskî ew tişt dixe bîra me. Roboskî ne bi tenê mijara wê welatiyê mijara yên ku vê welatî edaletê dixwazin e. Em 176 meh in li vir bang dikin. Me bîr nekiriye û em bîr nakin. Bila kujer bên dîtin û carekê din tiştin wek Roboskiyê pêk neyên.”
Daxuyanî bi berzkirina dirûşmeyan dawî bû.
