Girtiyê nexweş Celal Yildirim ê ku li Girtîgeha Xelfetiyê jiyana wî ji ber krîza dil di xeterê de ye û li nexweşxaneyê dihat tedawîkirin, ji nû ve sewqî girtîgehê hate kirin.
Girtiyê nexweş Celal Yildirim (56) ê ku li Girtîgeha T Tîpî ya Tîpa 2yan a Hîlwanê tê ragirtin, di 2yê Cotmehê de li hucreya xwe krîza dil derbas kiribû. Yildirim piştî krîza dil sewqî nexweşxaneyê hatibû kirin û dihate tedawîkirin. Hat zanîn ku Yildirim îro ji nû ve birine girtîgehê.
Malbata Yildirim ku ji ber rewşa tenduristiya wî ya giran di nav fikaran de ye, ji bo tedawiya wî li derve dewam bike serlêdan li dozgeriyê kiribû. Lê hat zanîn ku heta niha ji serlêdana malbatê re tu bersiv nehatiye dayîn.
