Endama Konseya Hevserokatiya PYDê Foza Yusif diyar kir ku metirsiya tevkujiyê li Rojava derketiye holê û bang li hemû hêzên Kurd kir ku bikevin tevgerê.
Metirsiya komkujiyan li Rojava berdewam dike. Endama Konseya Hevserokatiya PYDê Foza Yusif têkildarî mijarê li ser malpera xwe ya Xê peyamek weşand û bal kişand ser zêdebûna asta êrişan.
Yusif diyar kir ku çeteyên HTŞê li gorî peyman û agirbesta hatiye îlankirin tevnagerin û wiha got: “Niha li Şedadê û Eyn Îsa pevçûn berdewam dikin. Ji ber vê yekê divê gelê me di teyakûzê de be û ji hemû îhtîmalan re amade be.”
Yusif anî ziman ku li dijî gefên tevkujiyê-komkujiyê bang li hemû hêzên Kurd kir ku ji bo Rojava bikevin nav tevgerê.
